AURREELABORAZIOAK

• Otarrainxkak zuritu eta gorde.
• Berakatza brunoisen moztu eta gorde.
• Perrexila brunoisen moztu eta gorde.
• Molde ogiari azala baztertu eta diagonalean moztu 4 hiruki ateratzeko.

ELABORAZIOA

• Onddoak konfitatu, xukatu eta gorde.
• Molde ogi zatitxoak olio ugaritan frijitu. Xukatu eta gorde.

ZERBITZUA

• Behar diren arrautzak bol batean kraskatu eta apurtu gorringo eta zuringoa (adi, irabiatu barik). Gorde.
• Zartagin itsasgaitz batean berakatz apur bat ipini olioarekin eta dantzan hasten denean, otarrainxkak gehitu; nahastura salteatu.  
• Onddo batzuk gehitu; nahastura salteatu. 
• Gero arrautzak gehitu espatula batekin mugituz. Ez mamitu gehiegi bestela lehortuko dira eta.
• Azkenik, eta zartaginetik atera aurretik, gatza bota eta perrexila, nahastu eta platereratu.
• Bizpahiru molde ogi hiruki nahaskiaren gainean jarri eta perrexilarekin hautseztatu.